Կրեմլում հույս են հայտնել, որ Հայաստանում ներքաղաքական իրավիճակը կկարգավորվի հնարավորինս շուտ՝ սահմանադրական դաշտի շրջանակներում: Այդ մասին հինգշաբթի լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստի»-ն: Իսկ ՌԴ ԱԳՆ պաշտոնական ներկայացուցիչ Մարիա Զախարովան էլ ասել է, թե որոշումը, թե ով է ղեկավարելու Հայաստանը, պետք է կայացվի այդ երկրի ներսում` հիմնվելով հանրային փոխհամաձայնության վրա: