Առաջիկա օրերը պատմական պահ են ներկայացնում Հայաստանի ժողովրդի և նրա ընտրված ղեկավարների համար, քանի որ նրանք նոր կառավարություն ձևավորելու գործընթաց են սկսում: Այս մասին երեքշաբթի օրը հայտարարել է Միացյալ Նահանգների Պետդեպարտամենտի խոսնակ Հիթեր Նաուերթը:
ԱՄՆ արտաքին քաղաքական գերատեսչությունը հորդորում է բոլոր կողմերին՝ «ներգրավվել կառուցողական կերպով, Հայաստանի Սահմանադրության օրինական շրջանակում՝ ապահովելու իշխանության խաղաղ փոխանցումը օրենքի գերիշխանությանը հավատարիմ մնալով»:
«Ակնկալում ենք սերտորեն աշխատել նոր կառավարության հետ Միացյալ Նահանգների և Հայաստանի միջև ընդհանուր հետաքրքրություն ներկայացնող բազմաթիվ ոլորտներում», - ասել է Նաուերթը:
«Որպես Հայաստանի բարեկամ և գործընկեր՝ ողջունում ենք հայ ժողովրդի ներգրավվումը երկխոսությունում՝ ուղղված ժողովրդավարական և խաղաղ միջոցներով իր ինքնիշխան ապագան կերտելուն», - հայտարարում է Միացյալ Նահանգների Պետդեպարտամենտը:
00:00:00
