«Հրապարակը» գրում է. Մեր աղբյուրները տեղեկացրեցին, որ Սերժ Սարգսյանը հրաժարականի դիմումը հրապարակելուց առաջ՝ երկուշաբթի օրը՝ ապրիլի 23-ին, 13.25-ին Հայաստանից մեկնել է կառավարական օդանավով,նրա գտնվելու վայրի մասին հստակ տեղեկատվություն չկա, թեպետ այսօր լուրեր էին տարածվել, որ գտնվում է Մոսկվայում։ Ավելին՝ կային տեղեկություններ, որ նրա հետ Հայաստանից հեռացել են իր երկու եղբայրները՝ Սաշիկ եւ Լեւոն Սարգսյանները։ Երեկ մենք զանգեցինք Լեւոն Սարգսյանին, հեռախոսին պատասխանեց վարորդը՝ ասելով, որ Սարգսյանը զբաղված է, բայց վստահեցրեց, որ նախկին վարչապետի եղբայրը Հայաստանում է եւ վաղը կարող ենք զրուցել իր հետ։