ԱԺ «Ելք» խմբակցության ղեկավար, «Քայլ արա» նախաձեռնության ղեկավար Նիկոլ Փաշինյանն ասում է՝
ՀՀԿ-ական որևէ թեկնածու չի լինի ՀՀ վարչապետ: «ՀՀ-ում ՀՀԿ ժամկետը վերջացել է, ցանկացած փորձ՝ վերակենդանացնելու այդ կուսակցությունը, ոչ մի բանի չի բերի»,- այսօր միջազգային լրագրողների հետ հանդիպմանն ասաց Փաշինյանը:
Հարցին, թե պատրաստ է լինել վարչապետ, նա ասաց. «Ես արդեն ասել եմ, որ եթե ժողովուրդը դնի նման պարտականություն, ես, իհարկե, կստանձնեմ այն: Ես հասկանում եմ, որ կա շատ հավանականություն, որ այդպես էլ կլինի»,- ասաց նա:
Հստակեցմանը, թե երաշխավորություն ունեցել են, որ ՀՀԿ-ն պատրաստ է հեռանալ, Նիկոլ Փաշինյանը պատասխանեց. «Մենք ՀՀԿ-ից չունենք որևէ երաշխավորություն, մենք ունենք ավելի ուժեղ երաշխիք, և դա Հայաստանի ժողովրդի տված երաշխիքն է»,- ասաց Փաշինյանը:
00:00:00
