«Արսենալի» ղեկավարությունը մրցաշրջանի ավարտից հետո նոր խաղացողների ձեռք բերման համար կհատկացնի 50 մլն ֆունտ: Նման գումար կստանա լոնդոնյան ակումբի նոր գլխավոր մարզիչը՝ Արսեն Վենգերի հեռանալուց հետո: Այդ գումարը կարող է մեծանալ մի շարք ֆուտբոլիստների վաճառքից: Տրանսֆերային վերջին երկու պատուհանների ընթացքում «Արսենալը» գնել էր հարձակվողներ Ալեքսանդր Լյակազետին և Պիեր-Էմերիկ Օբամեյանգին՝ ծախսելով ավելի քան 100 մլն ֆունտ: