Նիկոլ Փաշինյանի հրաժարականի պահանջով քաղաքացիները կառավարության շենքի մոտ են:
Լրագրողների հետ զրույցում դաշնակցական Գեղամ Մանուկյանն արձանագրեց, որ կառավարությունն ունակ և պրոֆեսիոնալ չէ:
Մանուկյանը նկատեց, որ անցած հինգշաբթի կառավարության նիստում չի վավերացվել տնտեսագիտական համալսարանի ռեկտորի ընտրությունը:
«Նայեք կառավարության կայքը. երեկ կառավարությունը վավերացրել է, կառավարությունը, նիստ չանելով, վավերացրել է տնտեսագիտական համալսարանի ռեկտորի ընտրությունը», - ասաց նա:
Հիշեցնենք, որ երեկ ընդդիմությունը հայտարարեց, որ այսօր առավոտյան շրջափակելու են ՀՀ կառավարության շենքը՝ բոլոր կողմերից:
«Նիկոլ Փաշինյանը վաղը պետք է զրկվի իբրև վարչապետ կառավարության նիստ անցկացնելու հնարավորությունից», - երեկվա հանրահավաքում ասել էր դաշնակցական Գեղամ Մանուկյանը:
00:00:00
