Արձակուրդ եկած ժամկետային զինծառայողների ծնողները թույլ չեն տալիս իրենց որդիներին հետ տանել Արցախ: Նրանք ակցիա են իրականացնում՝ պահանջելով, որ որդիները ծառայությունը շարունակեն Հայաստանի տարածքում: Ասում են՝ զինծառայողները պատերազմին մասնակցել են ու բժշկական միջամտության կարիք ունեն, հոգեբանորեն լավ վիճակում չեն: «Իմ երեխան գիշերը չի կարում քնել, ատամները կռճցնում է, խոսում է՝ ահավոր վիճակ է։ Թոքերն էլ գրած է, որ պետք է բուժել: Հայաստանում կծառայեն, նաև կբուժվեն», - ասաց ծնողներից մեկը: