ՀՀ տասնյակ բնակավայրերում տեղի են ունենում անհնազանդության ակցիաներ, որ ընդգրկում են բուհեր, դպրոցներ, տարբեր հիմնարկներ, դպրոցներում անգամ որոշ տնօրեններ հանում են Սերժ Սարգսյանի նկարը: Այս մասին քիչ առաջ Հանրապետության հրապարակում հանրահավաքի ժամանակ հայտարարեց պատգամավոր Արարատ Միրզոյանը: Նա նշեց, որ երեխաներին փակում են դպրոցում, ոստիկանները փրձում են փակել նրանց, սակայն չի ստացվում: «Այսօր բուհերում դասի չեն մասնակցել 10-յակ հազարավոր ուսանողներ: Բուհերում են միայն ուսխորհրդիկները: Տասնյակ ընկերություններ աջակցում են մեզ»,-նկատեց նա:
Արարատ Միրզոյանը հիշեցրեց, որ երեկ շրջապատել էին կառավարության 3-րդ, ապա 5-րդ մասնաշենքը:
«Լուրեր են հասել, որ մարդիկ հրապարակավ շպրտում են իրենց ՀՀԿ-ականների տոմսերը»,-հայտարարեց նա:
Վերջինս նաև ասաց, որ սփյուքն այս շարժման հետ է, մարդիկ գալիս են՝ այստեղ կանգնելու, մասնակցելու, իսկ մյուսներն է իրենց քաղաքաներում են ակցիաներ անում:
00:00:00
