Հյուսիսատլանտյան դաշինքը վերջին տարիներին 17 անգամ ավելացրել է իր ուժերի ներկայությունը Բելառուսի սահմաններին: Այս մասին տեղեկացրել է երկրի պաշտպանության նախարարությունը, գրում է gazeta.ru կայքը: «Վերջին տարիներին ՆԱՏՕ-ի ռոտացիոն խմբավորումը Բելառուսի հարևան երկրներում ավելացել է 17 անգամ»,-հայտարարել է Բելառուսի պաշտպանության նախարար Վիկտոր Խրենինը: Նշվում է, որ այժմ այնտեղ կա մինչև 10 հազար զինվորական, զորավարժությունների քանակը, ներառյալ լայնածավալ և բազմազգ, հնգապատկվել է: Ավելին, «Բելառուսի պետական սահմանի անմիջական հարևանությամբ իրականացվում է ռազմական տեխնիկայի ու անձնակազմի, այդ թվում ՝ ԱՄՆ բանակի կենտրոնացում»: