Հանրապետության նախագահը շնորհավորել է մարզիկներին՝ սեպտեմբերի 2-ին Ստեփանակերտի Ստեփան Շահումյանի անվան մարզադաշտում սահմանած նոր ռեկորդների կապակցությամբ, որոնք տղաները նվիրել են Արցախի Հանրապետության օրվան: Յուրի Սաքունցը ձեռքերի վրա հենված դիրքում ատամներով քաշելով տեղից շարժել է 4տ 100 կգ քաշով ավտոմեքենան, իսկ Արթուր Սաքունցին հաջողվել է ատամներով քաշելով տեղից շարժել 12տ քաշով ավտոբուսը: Նախագահ Հարությունյանը շնորհակալություն է հայտնել մարզիկներին և նշել, որ մարզական նման կարևոր միջոցառումները մեծապես նպաստում են Արցախի ճանաչելության բարձրացմանը ողջ աշխարհում: Հանդիպմանը մասնակցում էր ԱՀ ռազմահայրենասիրության, երիտասարդության, սպորտի և զբոսաշրջության նախարար Սամվել Շահրամանյանը: