Ռուսաստանում վերջին մեկ օրում կորոնավիրուսով վարակման 5394 նոր դեպք է հայտնաբերվել, հաղորդում է վարակի դեմ պայքարի հարցով օպերատիվ շտաբը: «ՌԻԱ Նովոստի»-ի փոխանցմամբ՝ նոր դեպքերը գրանցվել են 83 շրջաններում, աճ չկա միայն Չուկոտկայի եւ Նենեցյան ինքնավար օկրուգներում: Ընդ որում, վարակվածների 26,2 տոկոսի մոտ հիվանդությունն ընթանում է առանց ախտանիշների: Ամենից շատ նոր դեպքեր են գրանցվել Մոսկվայում՝ 693, եւս 196 վարակված՝ Սվերդլովում, 172-ը՝ Խանտի Մանսիյսկում, 160-ական՝ Սանկտ Պետերբուրգում եւ Մերձմոսկվայում, 140-ը՝ Իրկուտսկում: Վարակվածների ընդհանուր թիվը հասնում է 856 264-ի, մահացել է 14 207 մարդ, ապաքինվել՝ 653 593-ը: ԱՀԿ վերջին տվյալներով՝ աշխարհում վարակվածների թիվը հասնում է 17,6 միլիոնի, մահացել է 680 000 մարդ: