Ռուսաստանի 83 մարզում գրանցվել է COVID-19-ով վարակման 5862 դեպք, մահացել է 165 մարդ, հիվանդանոցներից դուրս է գրվել 9669 մարդ, հայտնել են գործադիր շտաբից, փոխանցում է «ՌԻԱ Նովոստի»-ն: Ամենամեծ թվով պացիենտները Մոսկվայում են (638), Սվերդլովսկի մարզում (234) եւ Յուգրայում (221): Վարակվածների մեկ քառորդի մոտ հիվանդությունը ասիմպտոմատիկ է: Նախօրեին գրանցվել էր վարակման 5842 նոր դեպք եւ մահվան 153 դեպք։ Համավարակի սկզբից ի վեր երկրում գրանցվել է 789.190 վարակման դեպք, վերականգնվել է 572.053 մարդ, մահացել է ընդհանուր 12.745 մարդ: