Դանիային պատկանող Ֆարերյան կղզիներում տեղի է ունեցել ամենամյա զանգվածային կետորսությունը, որի ժամանակ տեղացիները, դանակներով զինված, շուրջ 300 կետ են սպանել լողափում: Ինչպես հաղորդում է Daily Mail-ը, այս ավանդույթն ունի հազարամյա պատմություն. դրա նպատակը հաջորդ տարվա համար մսի պաշարներ հավաքելն է: Կետերին ստիպում են լողալով հասնել ափերի մոտ, որտեղ էլ սուզորդի համազգեստ հագած ձկնորսները սկսում են դանակներով հարվածել կենդանիներին: Սպանդի տեսարանն ահավոր է. լողափն ու ջուրն ամբողջությամբ կարմիր են ներկվում: Կետերի զանգվածային սպանդը տեղի է ունենում ամենամյա «փառատոնի» շրջանակում: Հայտնի է, որ Ֆարերյան կղզիներում կետորսությունն արգելված չէ, սակայն բազմաթիվ բնապահպանական կազմակերպություններ պահանջում են վերջ տալ ավանդույթին: https://videos.dailymail.co.uk/video/mol/2020/07/20/7990230037552083875/640x360_MP4_7990230037552083875.mp4