Մեր հանրության մեդիագրագիտությունը մեծ տեմպերով զարգանում է եւ քաղաքացիներն իրենք ավելի ու ավելի են կարողանում տարբերել տեղեկատվությունը ապատեղեկատվությունից: Այս մասին, այսօր՝ հուլիսի 16-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Կարծում եմ՝ նաեւ հանրային հակազդեցության միջոցներն ամենաարդյունավետն են: Իհարկե, պետք է քննարկենք, թե ազգային անվտանգության տեսակետից ինչ մարտահրավերներ են առաջանում, այդպիսի աշխատըանք արվում է վերլուծական: Պետք է տեսնել, թե ինչպիսի քայլեր կառավարությունը կարող է կամ պիտի ձեռնարկի այս առումով, բայց իհարկե, առանց մեզ համար սկզբունքային գծերն անցնելու, որովհետեւ խոսքի ազատությունը, ժողովրդավարությունը մեզ համար առանցքային արժեքներ են: Դա իհարկե, չի նշանակում, որ պետք է չտեսնելու տանք ազգային անվտանգության պառնալիքները եւ պետք է հրաժարվենք դրանց հակազդել ու կառավարել:
00:00:00
