Կորոնավիրուսից մահացել է ԵՊՀ դասախոս, պրոֆեսոր  Սեմյոն Նիգիյանը։ Այս մասին տեղեկանում ենք պարետ Տիգրան Ավինյանի ֆեյսբուքյան էջում արված գրառումից։ «Մեծ ցավով ու ափսոսանքով տեղեկացա համալսարանական տարիների իմ լավագույն դասախոսներից մեկի, պրոֆեսոր Սեմյոն Նիգիյանի մահվան մասին, որը վրա է հասել կորոնավիրուսային հիվանդության հետևանքով: Պարոն Նիգիյանը մեր ժամանակների լավագույն մասնագետներից էր, ինչպես նաև շատ յուրահատուկ անձնավորություն։ Խորապես ցավակցում եմ պրոֆեսոր Նիգիյանի ընտանիքին ու հարազատներին: Հանգչեք խաղաղությամբ»,- գրել է Ավինյանը։