Պարետատան նիստն այսօր բուռն է անցել, քննարկվել են մի քանի սցենարներ՝ տոտալ արգելափակումներ, պարետային ժամ, տնտեսական գործունեության արգելման տարբերակները, պարետատան նիստից հետո հայտարարել է վարչապետ Նիկոլ Փաշինյանը:Նման որոշումներ կայացնելուց առաջ պետք է համոզված լինենք, որ դրանք լուծում են մեր պրոբլեմները: Մենք ենթադրում ենք, որ կորոնավիրուսի պիկը կարող է լինել հունիսի վերջին, սակայն համոզված չենք, որ պիկը չի լինի ասենք հոկտեմբերին կամ 2021-ին: Ես մնում եմ իմ կարծիքին, որ հիմնական միջոցը անհատական վարքագծի փոփոխությունն է, ասել է Նիկոլ Փաշինյանը, ավելացնելով, որ ելքը հակահամաճարակային շարժումն է: