Հռոմի պապ Ֆրանցիսկոսը հիշեցրել է պանդեմիայից բացի այլ վտանգավոր աղետների մասին, որոնք չեն նկատվում: Այս մասին նա ասել է «Սուրբ Մարֆայի տուն» նստավայրում, նրա ուղերձը հեռարձակվել է Vatican News-ի եթերում: «Կորոնավիրուսի պանդեմիան հանկարծակի սկսվեց, ինչպես ջրհեղեղը, սակայն կան այլ «պանդեմիաներ», որոնք մենք չենք նկատում, օրինակ՝ քաղցը, որն այս տարվա առաջին 4 ամիսների ընթացքում խլել է 3,7 մլն մարդու կյանք: Այսօր իմ աղոթքն եմ ուղղում այդ այլ «պանդեմիաներին»՝ քաղցին, պատերազմներին, տառապող երեխաներին, որոնք չեն կարողանում սովորել: Թող Աստված կանգնեցնի այդ ողբերգությունները»,-ասել է Ֆրանցիսկոսը: Մարտի 8-ից Վատիկանում դադարեցվել են բոլոր պատարագները: Ամեն օր Հռոմի պապը ուղիղ եթերում աղոթում է: Պոնտիֆիկոսն անդրադարձել է ամենացավոտ թեմաներին: Բացի այդ, Վատիկանի հրատարակչական տունը գիրք է հրատարակել, որում հավաքվաշ են պանդեմիայի ժամանակ պոնտիֆիկոսի ամենակարեւոր ելույթները: