ԱՄՆ նախագահ Դոնալդ Թրամփը պնդում է, որ կորոնավիրուսի դեմ դիմակ չի կրում, քանի որ ոչ մեկին չի մոտենում, փոխանցում է «ՌԻԱ Նովոստի»-ն: Թրամփին մամուլի ասուլիսի ժամանակ հարցրել են, թե ինչու դիմակով չէ, չնայած Սպիտակ տան աշխատակիցներին այսօրվանից հրահանգվել է աշխատավայրում դիմակներ կրել: Սպիտակ տան արդեն մի քանի աշխատակից հիվանդացել է: «Աշխատակիցներն ինձնից եւ միմյանցից որոշակի հեռավորություն են պահպանում: Իմ դեպքում ես ոչ մեկին մոտ չեմ... Իմ դեպքում ես բավականին հեռու եմ մնում բոլորից՝ ով էլ լինի»,- հայտարարել է Թրամփը, որն իսկապես ճեպազրույցի մյուս մասնակիցներից հեռու էր: Նրա խոսքով՝ Սպիտակ տան գրեթե բոլոր աշխատակիցները հիմա դիմակներ են կրում, եւ ինքն է դա պահանջում: Թրամփը եւ փոխնախագահ Մայք Փենսն ամեն օր թեստավորվում են, մինչեւ հիմա բոլորը բացասական են: