Տիգրան Պետրոսյանի անվան շախմատի տանը կայացավ Հայաստանի տղամարդկանց հոբելյանական` 80-րդ առաջնության և կանանց 75-րդ առաջնության վիճակահանության արարողությունը: «Արմենպրես»-ի հաղորդմամբ` արարողության մեկնարկին մասնակիցներին հաջողություն մաղթեց Հայաստանի շախմատի ֆեդերացիայի առաջին փոխնախագահ Սմբատ Լպուտյանը, ինչպես նաև լույս հայտնեց ականատես լինելու հետաքրքրիր պարտիաների: Առաջնությանն ի սկզբանե հայտավորված շախմատիստներից հիվանդության պատճառով չեն մասնակցի Մանուէլ Պետրոսյանը և Տիգրան Պետրոսյանը: Տղամարդկանց պայքարում մրցաշարի անդրանիկ տուրում կմրցեն`Արման Փաշիկյան-Արամ Հակոբյան, Հայկ Մարտիրոսյան-Հովհաննես Գաբուզյան,  Սամվել Տեր-Սահակյան-Զավեն Անդրիասյան, Արման Միքայելյան-Շանթ Սարգսյան, Ռոբերտ Հովհաննիսյան-Մամիկոն Ղարիբյան զույգերը: Կանանց առաջնության 1-ին տուրում միմյանց դեմ կմրցեն հետևյալ զույգերը` Աստղիկ Հակոբյան-Մարիամ Ավետիսյան, Աննա Խաչատրյան- Սիրանուշ Ղուկասյան, Թերեզա Ամբարյան-Նարե Առաքելյան, Սուսաննա Գաբոյան- Մարիա Գևորգյան, Վերոնիկա Խաչատրյան- Մարիա Կուրսովա: Հայաստանի այս տարվա առաջնության մրցանակային ֆոնդը կազմում է մոտ 9 միլիոն դրամ: Տղամարդկանց առաջնության առաջին երեք հորիզոնականները զբաղեցրած շախմատիստներն իրավունք կստանան մասնակցելու Եվրոպայի անհատաական առաջնությանը: 80-րդ և 75-րդ առաջնությունը բաղկացած են 9 տուրերից և չեն ունենա հանգստի օր: Այն կեզրափակվի հունվարի 20-ին: