Ավստրալիայում ընթացող թենիսի ATP Cup թիմային մրցաշարի կիսաեզրափակիչում Սերբիայի հավաքականն ուժերը չափեց Ռուսաստանի հետ: Սերբերը հաղթանակ տարան 2:0 հաշվով և դուրս եկան եզրափակիչ: Ռուսաստանցի Կարեն Խաչանովը 5:7, 6:7 (1:7) հաշվով պարտություն կրեց Դուշան Լայովիչից, իսկ Դանիիլ Մեդվեդևը 1:6, 7:5, 4:6 հաշվով պարտվեց Նովակ Ջոկովիչին: Եզրափակիչում Սերբիայի հավաքականը կմրցի Ավստրալիա - Իսպանիա զույգի հաղթողի հետ: ATP Cup-ի եզրափակիչը տեղի կունենա հունվարի 12-ին: