Քաթարի առաջնությունը ներկայացնող «Ալ Սադ» ֆուտբոլային ակումբի գլխավոր տնօրեն Տուրկի Ալ-Ալին մեկնաբանել է թիմի գլխավոր մարզիչ Չավի Էրնանդեսի՝ «Բարսելոնա» հնարավոր վերադարձի մասին լուրերը:
«Վստահ ենք, որ Չավին մտածում է «Ալ Սադում» աշխատանքը շարունակելու մասին: «Բարսելոնան» նրա ակումբն է, տունը, և նա ապագայում անպայման պետք է վերադառնա այնտեղ, սակայն ոչ հիմա:
Եթե «Բարսելոնան» ցանկանում է բանակցել Չավիի հետ, ապա պետք է դա անի պաշտոնական ճանապարհով»,- Ալ-Ալիի խոսքը փոխանցում է Marca-ն:
Ավելի վաղ տեղեկացրել ենք, որ «Բարսելոնայի» մարզական տնօրեն Էրիկ Աբիդալն ու ակումբի ղեկավար կազմի ներկայացուցիչ Օսկար Գրաուն մեկնել են Քաթարի մայրաքաղաք Դոհա՝ հանդիպելու ակումբի նախկին ֆուտբոլիստ, «Ալ Սադի» գլխավոր մարզիչ Չավի Էրնանդեսի հետ:
Հիշեցնենք, որ հունվարի 9-ին «Բարսելոնան» Իսպանիայի սուպերգավաթի խաղարկության կիսաեզրափակիչում 2:3 հաշվով պարտվեց «Աթլետիկոյին» և դուրս մնաց պայքարից:
Հանդիպման ավարտից հետո հայտնի դարձավ, որ «Բարսելոնան» երկուշաբթի կքննարկի Էռնեստո Վալվերդեին պաշտոնանկ անելու հարցը:
00:00:00
