ՀՀ Կառավարության այսօրվա նիստի մեկնարկին Առողջապահության փոխնախարար Անահիտ Ավանեսյանն առաջարկեց նիստի օրակարգից հանել Պաշտպանության նախարարության ներկայացրած նախագիծը, որը վերաբերում է ձմեռային զորակոչ ու զորացրում հայտարարելուն: «Մենք խնդիր ենք տեսնում, խնդրում ենք օրակարգից հանել, լուրջ մտահգություն ունենք», - նշեց փոխնախարարը։
«Ճիշտն ասած` անակնկալի եկա, որովհետև երեկ եմ խոսել առողջապահության նախարարի տեղակալ պարոն Հակոբյանի հետ , անակնկալի եկա ես», -ի պատասխան արձագանքեց Պաշտպանության նախարարի տեղակալ Գաբրիել Բալայանը:
«Պարոն Հակոբյանը փորձել էր պարզել՝ արդյոք փոփոխություններ կան, պատասխանել էին՝ չկան, բայց մենք տեսանք, որ կան, խնդրում ենք լրացուցիչ քննարկման ներկայացնել», - ասաց Ավանեսյանը:
Պաշտպանության փոխնախարարը հայտարարեց` հարցը հրատապության խնդիր ունի:
Քանի որ հարցը զեկուցվող էր, վարչապետ Նիկոլ Փաշինյանն առաջարկեց զեկուցելու ընթացքում քննարկումները շարունակել:
«Չհանենք, էլի», - ավելացրեց Գաբրիել Բալայանը:
00:00:00
