Վորոնեժից մեր գործընկերներն ուղարկել էին «ՈՒԱԶ» մեքենաներ, սահմանին 6 օր կանգնած էին, իրենք ոչ մի գումար պատրաստ չէին վճարելու, մաքսատունն էլ պահանջում էր, որ առանց ավելացված արժեքի հարկ վճարելու չենք թողնելու սահմանն անցնի: Այս մասին, այսօր ԱԺ-ում բյուջետային քննարկումների ժամանակ նշեց ԲՀԿ խմբակցության պատգամավոր Սերգեյ Բագրատյանը:
«Այսինքն ձեւակերպվում էր որպես ավելացված արժեքի հարկի վճարում առաջացնող գործարք»,-ասաց նա:
«Իմ քայլը» խմբակցության պատգամավոր Հովիկ Աղազարյանը նկատեց, որ կարող էին թողնել սահմանին, հասցեատերը գար տաներ, ինչին Բագրատյանն արձագանքեց. «Սահմանին ո՞նց թողնեին. Էս մարդիկ ուզում էին իրենց ձեռքով տանեն, հասցնեն առաջնագիծ: Տանող չկա, տանողները գիտենք՝ ուր տարան: Էդ մարդիկ ասում են՝ եթե տանում ենք ձեզ, տանում եք տուն: Ասում են՝ խի՞ տամ տանես տուն»:
