Գյումրիում 1-ամյա աղջնակի սպանության գործով քննության առարկա կդառնա նաև պաշտոնատար անձանց գործողությունները։ Այս մասին NEWS.am-ի հետ զրույցում ասաց Շիրակի մարզի դատախազ Կարեն Գաբրիելյանը՝ անդրադառնալով այն հրապարակումներին, որ դեպքից երկու շաբաթ առաջ մարզպետարանը երեխայի հարցով դիմել է ոստիկանությանը։ «Բազմակողմանի, լրիվ և օբյեկտիվ քննությունն ապահովելու համար քննության առարկա կդառնա երեխայի հետ կապված բոլոր հանգամանքները։ Հրապարակումների հիման վրա քննության առարկա կդարձնենք և գնահատական կտանք նաև պաշտոնատար անձանց գործողությկուններին, եթե այդպիսիք հայտնաբերվեն»,–ասաց նա։