Երևան քաղաքի ընդհանուր իրավասության դատարանում ավարտվեց ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանի խափանման միջոց ընտրելու ԱԱԾ-ի միջնորդության քննությունը: Դատարանը՝ դատավոր Արտուշ Գաբրիելյանի նախագահությամբ, հրապարակեց որոշումը՝ բավարարելով ԱԱԾ միջնորդությունը և Գագիկ Խաչատրյանի նկատմամբ, որպես խափանման միջոց ընտրեց կալանավորումը։ Հիշեցնենք, որ նախկին պաշտոնյան մեղադրվում է առանձնապես խոշոր չափով գումարի յուրացման և պաշտոնեական դիքի չարաշահման մեջ։ ԱԱԾ քննչական դեպարտամենտը միջնորդել էր դատարանին նրա նկատմամբ որպես խափանման միջոց ընտրել կալանավորումը։ Գագիկ Խաչատրյանի կալանքի միջնորդության քննությունն սկսվել էր երեկ, ապա շարունակվեց այսօր։