Երեկ` օգոստոսի 21-ին, վրաերթ է տեղի ունեցել Արմավիրի մարզում։ Ժամը 19;30-ի սահմաններում Արտենի գյուղի բնակիչ՝ 52-ամյա Գեղամ Խլղաթյանը իր վարած Lexus ԼX-470 մակնիշի 54 ՕT 444 համարանիշի ավտոմեքենայով Հացիկ-Արմավիր ավտոճանապարհի 1-ին կմ հատվածում վրաերթի է ենթարկել Շիրակի մարզի բնակիչներ՝ 46-ամյա Ալինա Քոչարյանին և 44-ամյա Արայիկ Քոչարյանին։ Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, վրաերթի ենթարկվածներին օգնել է տեղափոխել «Արմավիր» բժշկական կենտրոն, որից հետո դեպքի մասին ահազանգել է ոստիկանություն։ Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Վահան Էվինյանի գլխավորությամբ։ Ժամանել են նաև ոստիկանության Արմավիրի բաժնի օպերատիվ խումբը՝ բաժնի պետ Արմեն Խաչատրյանի գլխավորությամբ։ Տեղում հետաքննչական աշխատանքները ղեկավարել է նույն վաշտի հետաքննիչ Հովհաննիսյանը, ում կողմից փաստի առթիվ նյութեր են նախապատրաստվում։ Գ. Շամշյանի տեղեկություններով՝ վրաերթի ենթարկվածները քույր ու եղբայր են ու նաև Ռուսաստանի Դաշնության քաղաքացիներ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:  shamshyan.com