Ամուլսարի հանք դառնալը մերժելով կստեղծվի ՀՀ Աժ պատմության առաջին բնապահպանական միավորը, իսկ լավ աշխատելու դեպքում այն կարող է դառնալ Հայաստանի բնապահպանական լոկոմոտիվը: Այս մասին հայտարարել է Նիկոլ Փաշինյանի նախկին խորհրդական Արսեն Խառատյանը` գրառում կատարելով ֆեյսբուքյան իր էջում:
Գրառումը ներկայացնում ենք ստորև.
«Աժ «Իմ քայլը» խմբակցության այն անդամները, որոնք դեմ են Ամուլսարի հանք դառնալուն, կարող են, օրինակ, կանաչների անկախ պատգամավորական խումբ ստեղծել: Ընթացակարգն ու առավել արդյունավետ կառուցվածքային ձևը թող Աժ կանոնակարգ սահմանադրական օրենքն ասի:
Այսպես այն բոլոր մարդիկ, որոնք պատկերացում ունեն Հայաստանի` հանքից դեպի կանաչ տնտեսություն անցման վերաբերյալ, կարող են համատեղել ջանքերը, օգտագործել Ազգային ժողովի ամբիոնը և այդ օրակարգը օրենսդրական մակարդակում առաջ տանել քաղաքակիրթ բանավեճի ու փաստարկների միջոցով:
Մերժել, մերժել… Ամուլսարի հանք դառնալը մերժելով կստեղծվի նաև ՀՀ Աժ պատմության առաջին բնապահպանական միավորը, իսկ լավ աշխատելու դեպքում կարող է դառնալ բնապահպանական Հայաստանի լոկոմոտիվը»:
00:00:00
