Armsport-ը գրում է.
Եվրոպա լիգայի որակավորման երրորդ փուլում «Արարատ-Արմենիան» մրցելու է Վրաստանի չեմպիոն «Սաբուրթալոյի» հետ:
Վաղը՝ օգոստոսի 6-ին Վազգեն Սարգսյանի անվան «Հանրապետական» մարզադաշտում երևանյան թիմն առաջին խաղը կանցկացնի մրցակցի հետ:
«Արարատ-Արմենիայի» գլխավոր մարզիչ Վարդան Մինասյանի չի ցանկանում շատ խոսել իր թիմի ուժեղ կողմերի մասին ու բացել փակագծերը.
«Լավ ենք ուսումնասիրել մրցակցին:
Տեխնիկապես պատրաստված թիմ է: Սիրում են գնդակով խաղալ: Բարձր մակարդակի վրա է փոխհամագործակցությունը, դա էլ երևի գալիս է նրանից, որ վաղուց են խաղում միմյանց հետ: Փակագծերը շատ չեմ ցանկանում բացել, ամեն ինչ կտեսնեք վաղը: Կարող եմ ասել, որ անելու ենք առավելագույնը:
Իր թիմի մասին խոսելիս Մինասյանն ասաց.
«Խաղից խաղ բարելավում ենք մեր ֆիզիկական վիճակը: Ավելի լավ վիճակում ենք, քան նախորդ խաղերում: Չեմ ցանկանա ասել, որ գտնվում ենք պիկի վրա, բայց շատ ավելի լավ ենք զգում մեզ: Դա էլ իր հետ բերում է այն, որ հարձակման գծում ավելի լավ ենք սկսում խաղալ»:
00:00:00
