Այսօր Կառավարության նիստի ընթացքոըմ փոխոստիկանապետ Վարդան Մովսիսյանը տեղեկացրեց՝  Իջևանում մոտ 500 անձի կողմից մի քանի անգամ փակվել է ճանապարհը: «18:00-ի շրջանակներում, չենթարկվելով ոստիկանության պահանջներին, ոստիկանությունը օրենքի շրջանակնեորւմ պատնեշ էր կազմել ու ուզում էինք բացել փողոցները։  Տեղի ունեցավ բախում․ քարերով, փայտերով, մահակներով վնասվածքներ են պատճառել մեր ոստիկաններին», - ասաց Վարդան Մովսիսյանը։ Նրա խոսքով՝ ութ հոգի այժմ հոսպիտալացված է ոստիկանության հոսպիտալում։ Վերջիններիս վիճակը  բավարար է: «Երկուսը կմնան բուժհաստատությունում, վեցը կանցնեն ամբուլատոր հսկողության», - ասաց նա: Փոխոստիկանապետի խոսքով՝  այժմ Իջևանում իրավիճակը վերահսկելի է։ Փոխոստիկանապետը հավալեց՝  19 հոգի է բերման ենթակվել, որոնցից 13-ը ձերբակալվել է։ Մնացածը բաց են թողնվել ստորագրությամբ: «Շուրջ 36 հոգի պետք է բերման ենթարկվեր, մյուսներն ո՞ւր են», - հարցրեց վարչապետը: Փոխոստիկանապետը պատասխանեց՝    իրավապահները գիշերն իրականացրել են օպերատիվ գործողություններ,  գնացել են տվյալ անձանց բնակության վայրեր,  սակայն շատերը բացակայել են  բնակության վայրից: Փոխոստիկանապետի խոսքով՝ այժմ  աշխատանքներ են տարվում նրանց հայտնաբերելու ուղղությամբ, թեև բացառված չէ, որ նրանցից ոմանք փորձ արած լինեն հեռանալ Հայաստանից: