Ոստիկանության պաշտոնատար անձինք մեղադրվում են քաղաքացուն խոշտանգելու մեջ: Ըստ մեղադրանքի՝ հանցագործություն կատարելու մեջ կասկածվող քաղաքացուն ոստիկանության բաժին տեղափոխելու ճանապարհին ոստիկանները խոշտանգել են:
Մեղադրանքում նշվում է, որ 2016 թվականի սեպտեմբերից Ոստիկանության Երևան քաղաքի Շենգավիթի բաժնի քրեական հետախուզության բաժանմունքի թմրամոլության դեմ պայքարի գծով ավագ օպերլիազոր Բաբկեն Ալավերդյանը, 2019-ի մարտին քաղաքացուն ոստիկանության բաժին տեղափոխելու ընթացքում կատարած արարքի համար պատժելու նպատակով նույն բաժանմունքի օպերլիազոր Արամ Հակոբջանյանի հետ խմբով խոշտանգել է նրան:
Բաբկեն Ալավերդյանին և Արամ Հակոբջանյանին մեղադրանք է առաջադրվել ՀՀ ՔՕ-ի 309.1 հոդվածի 2-րդ մասի 4-րդ կետի հատկանիշներով՝ խոշտանգումը մի խումբ անձանց կողմից:
Նրանց նկատմամբ խափանման միջոց է ընտրվել գրավը:
Գործն ուղարկվել է Երևանի ընդհանուր իրավասության դատարան և մակագրվել դատավոր Արմեն Բեկթաշյանին:
00:00:00
