Արտակարգ դրություն հայտարարվել է Երեւանում, որը ՀՀ-ի տարածքի 2 տոկոսն է զբաղեցնում, հետեւաբար ինչպես կարող էին սահմանադրական նորմերը դադարել գործել ամբողջ Հայաստանում։ Այս մասին այսօր՝ մայիսի 16-ին, Երեւանի ընդհանուր իրավասությունների դատարանում հայտարարեց ՀՀ երկրորդ նախագահ Ռոբերտ Քոչարյանը։ «Երեւան քաղաքում 2008թ. մարտի 1-ից 20 օրով հայտարարվել է արտակարգ դրություն։ Հայաստանում կա 1002 բնակավայր, Երեւան քաղաքը մեկ բնակավայր է, արտակարգ դրություն հայտարարվել է Երեւանում, որը ՀՀ-ի տարածքի ընդամենը 2 տոկոսն է զբաղեցնում, ուստի հիմա հարց է առաջանում՝ ո՞նց են սահմանադրական նորմերը դադարել գործել ամբողջ Հայաստանում, կարո՞ղ է ինչ-որ մեկը ինձ ասել, ես դա չեմ հասկանում»,- նշեց նա։