Մարտի 9-ին, ժամը 01.20-ին, ոստիկանության Չարենցավանի բաժնում հաղորդում է ստացվել, որ «ձախ ազդրի կտրած-ծակած վերք» ախտորոշմամբ բուժօգնության է տեղափոխվել 30-ամյա Դավիթ Ս․-ն։ Տուժածը հայտնել է, որ վնասվածքը ստացել է ընկնելու հետեւանքով: Ոստիկանությունից հայտնում են, որ ձեռնարկված միջոցառումների շնորհիվ օպերատիվ տեղեկություններ են ստացվել, որ նույն օրը, ժամը 01.00-ի սահմաններում, Չարենցավանի Երեւանյան փողոցում գտնվող գիշերային ակումբում, անձնական հարցերի շուրջ ծագած վիճաբանության ժամանակ, Դավիթ Ս․-ին դանակով հարվածել եւ վնասվածք է պատճառել 29-ամյա Գեղամ Ս․-ն։ Ժամը 02.55-ին Գեղամ Ս․-ն բերման է ենթարկվել ոստիկանության բաժին: Ձեռնարկվում են միջոցառումներ դանակը հայտնաբերելու ուղղությամբ: Հանգամանքները պարզվում են: Նախապատրաստվում են նյութեր: