SHAMSHYAN.com-ի տեղեկություններով՝ օրեր առաջ Ոստիկանության կազմակերպված հանցավորության դեմ պայքարի գլխավոր վարչություն է դիմել Երևան քաղաքի Կենտրոն վարչական շրջանի բնակիչ՝ 39-ամյա Է. Բ.-ն և հայտնել, որ նոյեմբերի սկզբներին Facebook սոցիալական ցանցի միջոցով ծանոթացել է նույն սոցիալական ցանցում գրանցված իրեն անծանոթ «Է. Բ» օգտատիրոջ հետ, ով անհայտ եղանակով գաղտնի լուսանկարել է իրեն կիսամերկ վիճակում, որից հետո լուսանկարները չհրապարակելու դիմաց իրենից պահանջել է խոշոր չափի գումար։ Ինչպես հայտնում է ֆոտոլրագրող Գագիկ Շամշյանը, գումարի չափը կազմում է 2500 ԱՄՆ դոլար, իսկ Ոստիկանության 6-րդ գլխավոր վարչություն դիմած տղամարդն աշխատում է ՀՀ կառավարությունում՝ նախարարություններից մեկում բարձրաստիճան պաշտոնյա է։