ՊԵԿ նախագահը կաշառքի գործով ձերբակալությունների մասին (տեսանյութ)

https://www.youtube.com/watch?v=yRPfqDm4gfA&feature=youtu.be Պետական եկամուտների կոմիտեի նախագահ Դավիթ Անանյանը կառավարության նիստից հետո լրագրողների հետ զրույցում անդրադարձավ համակարգում կաշառքի գործով ձերբակալություններին: «Ընդհանրապես մենք սա համարում ենք մեր համակարգի համար ոչ լավ երևույթ, բայց նաև բազմաթիվ անգամ մենք ասել ենք, որ մենք ինքներս պայքարում ենք կաշառակերության դեմ: Այո, մենք պնդում ենք, որ չկա համակարգային կաշառակերություն, բայց առանձին դեպքերի առուվ մենք պայքար ենք մղում և շնորհակալ ենք նաև մեր գործընկերներին, որնք մեզ օգնում են այդ գործում»,- ասաց նա: Անանյանը հավելեց, որ օրերս կաշառքի գործով ձերբակալված ՊԵԿ աշխատակիցները նշանակվել էին մոտ երկու ամիս առաջ: Հարցին, թե այսինքն՝ իր օրո՞ք են նշանակվել, նա պատասխանեց.«Ոչ թե իմ օրոք են նշանակվել, այլ իմ օրոք կատարվել են ռոտացիոն նշանակումներ, և կոնկրետ Սևանի բաժնի պետը նախկինում եղել է Նոր Նորքի բաժնի պետի տեղակալ: Այսինքն՝ պաշտոնյաները նոր չեն նշանակվել, ուղղակի ռոտացիոն նշանակումներով վերանշանակվել են»:

ՊԵԿ նախագահն անդրադարձավ նաև հարցին, թե ինչու է իր ղեկավարած կառույցում կոռուպցիան շարունակվում: Նա նշեց, որ մարդիկ կան, ովքեր ընդհանրապես չեն գիտակցում, թե նոր իրողությունն ինչ է: «Նաև կան այնպիսիները, որոնք նոր իրողություններով են շարժվում, և կարծում եմ, որ նրանք մեր աշխատակիցների մեծամասնությունն են կազմում»,- ասաց նա: