Ֆրանկոֆոնիայի գագաթաժողովի օրերին կառավարության նախորդ նիստում հայտարարվեց, որ հոկտեմբերի 11-ը և 12-ը կլինեն ոչ աշխատանքային: Կառավարութան այսօրվա նիստում ՀՀ փոխվարչապետ Տիգրան Ավինյանն առաջարկեց այդ օրերի փոխարեն աշխատանքային համարել հոկտեմբերի 20-ը և 27-ը: ՀՀ կրթության և գիտության նախարար Արայիկ Հարությունյանն ասաց, թե հոկտեմբերի 21-ին ՏԻՄ ընտրություններ են, նաև՝ «Էրեբունի-Երևան» տոնակատարության օրն է: Նա առաջարկեց աշխատանքային հայտարարել հոկտեմբերի 27-ն ու նոյեմբերի 3-ը: Վարչապետ Նիկոլ Փաշինյանն էլ ասաց, որ ընդունելի առաջարկներ են: