Ընկերոջ հետ սիրած աղջկան առևանգելու գործով նախաքննությունն ավարտվել է և գործն արդեն դատարանում է: Դեպքերը զարգացել են Գորիս համայնքի Խնձորեսկ գյուղում՝ 23-ամյա Հայկը Նելլին նամակով տեղեկացրել է, որ նրան հավանում է, սակայն աղջիկը չի պատասխանել նամակին, անպատասխան են մնացել նաև հեռախոսազանգերը, ինչն էլ պատճառ է դարձել՝ վճռական որոշում կայացնելու և Նելլին առևանգելու համար: Ըստ մեղադրանքի՝ հուլիսի 12-ին Հայկը նախապես պայմանավորվել է ընկերոջ՝ Վարդանի հետ և սիրելի աղջկա նկատմամբ բռնություն գործադրելով` ձեռքերից, ոտքերից բռնելու, ապա նաև նրան գրկելու միջով նստեցրել են ավտոմեքենան և Խնձորեսկից տեղափոխել են դեպի Սիսիան համայնք: Սակայն աղջկա առևանգումն ավարտին չի հասել, ճանապարհին աղջիկը ասել է, թե առողջական խնդիրների ունի և դեղորայք պետք է ընդունի այլապես վիճակը կվատանա և երիտասարդները նրան կրկին Գորիս են վերադարձրել, ինչից հետո էլ աղջիկն իրավապահներին է պատմել տեղի ունեցածի մասին: Հայկին և Վարդանին մեղադրանք է առաջադրվել ՀՀ քրեական օրենսգրքի 131-րդ հոդվածի 2-րդ մասի 1-ին կետով: