Կատալոնական «Բարսելոնայի» հարձակվող Լիոնել Մեսսին նշել է, որ բավականին բարդ է մարզումների ընթացքում բարելավել 11 մետրանոց հարվածները: «Կցանկանայի ավելի լավ իրացնել 11 մետրանոցները: Դժվար է մարզվել մարզումների ընթացքում, քանի որ դա տարբերվում է խաղային դրվագից: Մարզման ժամանակ կարելի է ինչ-որ ծրագիր մշակել, սակայն դա ավելի բարդ իրավիճակ է, քան թվում է: Եթե դարպասապահը կռահի հարվածի ընթացքը, ապա, ամենայն հավանականությամբ, հետ կմղի գնդակը: Ամեն դեպքում, ես ցանկանում եմ ավելի լավը դառնալ այդ առումով»,- արգենտինացու խոսքն է մեջբերում «AS»-ը: