Կոչ ենք անում մեր համակիրներին «Իմ քայլը» դաշինքի պաստառները չփակցնել օրենքով չնախատեսված վայրերում։ Այս մասին ֆեյսբուքյան էջում գրել է «Իմ քայլը» դաշինքը:
«Միևնույն ժամանակ, պարտավորվում ենք ընտրություններից հետո կամավորականների ներգրավմամբ մաքրել քաղաքը ոչ միայն մեր, այլ նաև մյուս քաղաքական ուժերի քարոզչանյութերից»,-ասված է գրառման մեջ:
Հիշեցնենք, որ Դանիել Իոաննիսյանը սոցցանցում լուսանկարներ էր հրապարակել և գրել էր.
««Իմ քայլը» և «Լույս» դաշինքները կարծես մրցում են պաստառների փակցնելու ապօրինության հարցում:
Քիչ է, որ մեկը պաստառը փակցնում է օրենքով չսահմանված տեղում, հետո էլ մյուսը գալիս է, իր պաստառն է վրայից փակցնում:
Երկու դաշինքներին էլ կոչ եմ անում խստորեն պահպանել Ընտրական օրենսգրքի 21-րդ հոդվածի պահանջները և մրցել օրենքի սահմաններում»:
00:00:00
