Կարծում եմ՝ մենք բոլորս միասին պետք է գնանք նրան, որ նման բաներ մեր երկրում չլինեն. ԱԺ-ում լրագրողների հետ ճեպազրույցում ասաց ԱԺ նախագահ Արա Բաբլոյանը՝ անդրադառնալով հարցին, թե երկրում բռնապետության վտանգ տեսնո՞ւմ է, թե՞ ոչ:
Արա Բաբլոյանը նշեց, որ իր բոլոր հանդիպումներից հետո՝ ՄԻՊ-ի, նախագահի, բոլոր կառույցների ղեկավարների և այդ թվում՝ վարչապետի հետ, հիմնական շեշտը ինքը դնում է ժողովրդավարության վրա:
«Ես միշտ պնդում եմ, որ մենք ունենք անցած տարիների ընթացքում դինամիկ առաջընթաց ժողովրդավարության առումով և երբեք իրավունք չունենք հետադարձ քայլեր անելու. մենք պետք է ժողովրդավարությունն է՛լ ավելի ամրապնդենք»,- ասաց նա:
ԱԺ նախագահը նշեց, որ այդ իսկ պատճառով էր, որ, օրինակ, երեկ համաձայնեց թույլ տալ, որ վարչապետը ելույթը ավարտի, և դա տեղի չունենա միտինգի ժամանակ, այլ ԱԺ-ում:
«Դա ավելի ճիշտ մոտեցում է, որովհետև լուրջ հարցեր պետք է քննարկենք, հարցերին պատասխան ստանանք այն մարմնում, որտեղ ներկայացված են քաղաքական ուժերը»,-ասաց նա:
00:00:00
