Առաջիկայում շինարարական մեծածավալ աշխատանք կմեկնարկի Գյումրիի «Շիրակ» օդանավակայանում: Հիմնական աշխատանքները կիրականացվեն  կառամատույցում: 22 000 քառ․ մետր տարածքով կառամատույցն ամբողջովին կվերանորոգվի: Ըստ «Արմենիա» միջազգային օդանավակայաններ» ՓԲԸ  տեղեկատվության, նորոգումը կիրականացվի  մոտ 1.5 միլիարդ դրամի սահմաններում: Մինչև 2020 թվականը ընկերությունը կնորոգի 17.000 քմ տարածք: Աշխատանքների ավարտից հետո վերանորոգված կառամատույցը  կհամապատասխանեցվի միջազգային ստանդարտներին: