Պետական եկամուտների կոմիտեում խայտառակ նշանակումները շարունակվում են։ Անկախ հնչող քննադատություններից՝ ՊԵԿ նախագահ Դավիթ Անանյանը շարունակում է համակարգը համալրել նախկին կոռուպցիոներներով, նախկին իշխանության հովանավորյալներով ու ներկայացուցիչներով։ «Առաջին լրատվական»-ի տեղեկություններով՝ ՀՀԿ խմբակցության ղեկավար Վահրամ Բաղդասարյանի փեսայի՝ Աջափնյակ վարչական շրջանի ղեկավար Արտավազդ Սարգսյանի եղբայրը՝ Կարեն Սարգսյանը, նշանակվել է Մաշտոցի բաժնի հարկայինի պետ։ Նա նախկինում զբաղեցնում էր Արմավիրի մարզի հարկայինի պետի պաշտոնը։ Կարեն Սարգսյանի նշանակումից հետո նրա տեղը թափուր չի մնացել։ Մեզ հասած տեղեկություններով՝ Արմավիրի մարզի հարկայինի պետ է նշանակվել ՊԵԿ նախկին փոխնախագահ Արմեն Ալավերդյանի քրոջ որդին՝ Սահակ Ալավերդյանը, ով մինչ այդ ՊԵԿ-ում վարչության պետի տեղակալ էր։ Նրան բոլորը շատ լավ ճանաչում են որպես հայտնի կոռուպցիոների: