Այսօր առավոտյան ժամը 6.30-ի սահմաններում Շիրակի մարզի դատարանի դիմաց գտնվող գետնանցումում, որտեղ տարբեր վաճառակետեր են տեղադրված, անհայտ մի անձ փորձել է թալանել հեռախոսների կրպակը։ Ջարդել է կրպակի դռան ապակին ու փորձել թալանել կրպակը։ Անվտանգության աշխատակիցներից մեկը, ով տեղում հերթապահել է խափանել է գողություն կատարող անձին: Վերջինս էլ դանակի հարվածներ է հասցրել նրան: Բարեբախտաբար դրանք կյանքին վտանգ սպառնացող չեն:
Արյան հետքերը դեռ կային գետնանցումում։ Դեպքի վայրում աշխատում են քննիչները։ Henaran.am-ի այն հարցին, թե կրպակից ինչ որ բան պակասել է, խանութի աշխատակիցը ասաց, որ ոչինչ չեն գողացել։ Իսկ կրպակում թեև հեռախոսների տեսականին մեծ է, բայց ամեն օր դրանք տեղափոխվում են խանութից։
