ԱԺ նախկին պատգամավոր Արմեն Մարտիրոսյանը ֆեյսբուքյան իր էջում գրել է․ «ԱԺ-ում տեղի ունեցածի էթիկական տեսանկյունը և շեղող քայլ լինելը, իշխանության կողմից նախօրոք կազմակերպված լինելը մի կողմ։

Շատ ավելի վտանգավոր բան տեղի ունեցավ։ Երկրի գործող ղեկավարի կողմից արդարացվեց և խրախուսվեց բռնությունը։ Եվ այնպիսի բառապաշարով ու քաղաքական հիմնավորմամբ, որը այսուհետ լեգիտիմ է դարձնելու ցանկացած տեսակի բռնություն` այդ թվում իշխանությունների նկատմամբ։ Իրավապահ մարմինների կողմից այդ խոսքերի անարձագանք թողնելը հենց դրան է բերելու»։