Աֆղանստանի մայրաքաղաք Քաբուլի արևմտյան հատվածում՝ մասնավոր դպրոցի մոտ, պայթյուն է տեղի ունեցել։ Աֆղանական լրատվամիջոցների հաղորդմամբ՝ մի քանի աշակերտ կարող է տուժած լինել։

Դեպքը տեղի է ունեցել մայրաքաղաքի արևմտյան Դաշտ-է-Բարչի շրջանում։ Նախնական տեղեկություններով՝ պայթյունը որոտացել է այն պահին, երբ աշակերտները դուրս էին գալիս դպրոցի շենքից։

Տեղական աղբյուրները հայտնում են աշակերտների շրջանում մի քանի տուժածների մասին։ Զոհերի և վիրավորների ստույգ թիվը դեռևս հայտնի չէ։

Պայթյունի պատճառը նույնպես պարզ չէ։ Դեպքի պատասխանատվությունը որևէ խմբավորում դեռևս չի ստանձնել։

Նշենք, որ Դաշտ-է-Բարչին համարվում է շիաներ՝ հազարաների համակեցության խիտ բնակեցված շրջան։