Ադրբեջանը, Թուրքիան և Վրաստանը 2026 թվականի նոյեմբերին կանցկացնեն «Eternity-2026» համակարգչային հրամանատարաշտաբային զորավարժությունները, հայտնել են Ադրբեջանի Պաշտպանության նախարարությունից:
Նշվում է, որ զորավարժությունները կանցկացվեն Ադրբեջանում: Այդ առնչությամբ Ադրբեջանում տեղի է ունեցել «Eternity-2026» զորավարժությունների պլանավորման հիմնական համաժողովը: Զորավարժություններին, բացի երեք երկրների զինծառայողներից, կմասնակցեն նաև Ադրբեջանի Ռազմավարական օբյեկտների պահպանության պետական գործակալության և «Ադրբեջանական երկաթուղիներ» ՓԲԸ-ի աշխատակիցները:
Ըստ ադրբեջանական ԶԼՄ-ների՝ զորավարժությունների ծրագիրը երեք երկրների տարածքով անցնող ռազմավարական օբյեկտների և հաղորդակցության ուղիների՝ մարտավարական մակարդակով պահպանության և պաշտպանության սցենար է նախատեսում:
Հաղորդվում է նաև, որ համաժողովի ընթացքում քննարկվել են զորավարժությունների թեման ու նպատակները, միացյալ շտաբի կազմը, տեղանքում մշակվելիք մարտավարական դրվագները և կազմակերպչական այլ հարցեր:
