Աստանայում անցկացվելիք հանդիպմանը Ռուսաստանի և Ղազախստանի նախագահներ Վլադիմիր Պուտինը և Կասիմ-Ժոմարտ Տոկաևը կանդրադառնան Եվրամիությանն անդամակցելու Հայաստանի ձգտման հարցին, սակայն արդյոք այս թեմայով հայտարարություն կլինի՞, նրանք կորոշեն ինքնուրույն։ Այս մասին «Վեստի» լրատվական ծառայությանը հայտնել է Ռուսաստանի նախագահի մամուլի քարտուղար Դմիտրի Պեսկովը։
«Այժմ պետությունների ղեկավարները կսկսեն քննարկումը, և նրանք արդեն կորոշեն, որովհետև այս թեման, իհարկե, լինելու է օրակարգում»,-ասել է նա:
Պեսկովը նաև կարծիք է հայտնել, որ Հայաստանի՝ ԵԱՏՄ-ից հնարավոր դուրս գալու և ԵՄ–ին անդամակցելու շուրջ քննարկումների աճը մեծապես կապված է նախընտրական քարոզարշավի հետ։
