ՀՀ արտաքին գործերի նախարար Արարատ Միրզոյանն այսօր լրագրողների հետ զրույցում չմեկնաբանեց ադրբեջանական գերության մեջ գտնվող Արցախի նախկին արտգործնախարար Դավիթ Բաբայանի ուղերձը։
«Մեկնաբանություն չունեմ»,-ասաց Արարատ Միրզոյանը։
Հիշեցնենք՝ Դավիթ Բաբայանը ձայնային ուղերձ է հղել Բաքվի բանտից։ Նա դիմել է մարդու իրավունքների պաշտպանին, միջազգային իրավունքի պաշպաններին` նշելով, որ անհետացել են իր վերաքննիչ բողոքն ու դատարանում իր վերջին խոսքի սղագրությունը։
Բաբայանը նշել է, որ Բաքվի դատարանում «դատավարությունն» ընթացել է բոլոր հնարավոր խախտումներով։ Արցախի նախկին արտգործնախարարը կոչ է արել օգնել իրենց ձայնը բարձրացնելու միջազգային կառույցներում` արդարությունը վերականգնելու համար։
Նա նաև պատմել է իր և Բաքվում պահվող մյուս գերիների նկատմամբ վերաբերմունքի, իրենց գերեվարման պայմանների մասին։
