«Բալային շեմը 13-ից կբարձրացնենք մինչև 18, որոշ խախտումների դեպքում բալ չի հանվի»,-ասել է «Միասնության թևեր» կուսակցության վարչապետի թեկնածու Արման Թաթոյանը՝ Գանձակում բնակիչների հետ հանդիպման ժամանակ։
Նա նշել է, որ իրենց ուժն արդեն սահմանել է երթևեկության կանոնների խախտումների տեսակներ, որոնց համար բալ չպետք է հանել։
«Կարող է լինել առավելագույնը փոքր տուգանք՝ որպես զգուշացում, բայց բալ դուրս չգա։ Նաև անհատական մոտեցում պետք է լինի»,-ասել է Թաթոյանը։
