Մենք թիվ մեկ շահագրգիռն ենք՝ Զինված ուժերում ու Պաշտպանության նախարարության համակարգում տեղի ունեցող բոլոր տիպի իրավախատումները բացահայտելու ու դրանց հեղինակներին համապատասխան իրավական պատասխանատվության ենթարկելու: Այս մասին, այսօր լրագրողների հետ զրույցում նշեց ՀՀ Պաշտպանության փոխնախարար Արտակ Զաքարյանն՝ անդրադառնալով բանակից 40 միլիոն դրամ հափշտակելու դեպքին:
«Չի եղել մի դեպք, որը համապատասխան ընթացք չստանա, ցավոք, դրանք դեռևս կան, դեռևս լիարժեք չենք կարող ասել, որ ամբողջությամբ բացառված են նմանատիպ երևույթները, բայց, միևնույն ժամանակ, շատ ինտենսիվ աշխատանքներ են տարվում», -ասաց Զաքարյանը, հավելելով, որ բանակում 40 միլիոն դրամը յուրացվել է պաշտոնատար անձի կողմից։
«Մանրամասները չասեմ, որովհետև քննությունը դեռևս ընթացքի մեջ է», - ասաց նա։
00:00:00
