Ռուսաստանի նախագահի մամուլի քարտուղար Դմիտրի Պեսկովը մեկնաբանել է հայտարարություններն այն մասին, թե իբր Ռուսաստանը միջամտելու է Հայաստանի խորհրդարանական ընտրություններին, գրում է ՌԻԱ Նովոստի-ն:
Պատասխանելով լրագրողի հարցին, թե ինչպես են Կրեմլում վերաբերվում Մոսկվայի՝ հայաստանյան ընտրական գործընթացին իբր միջամտելու հետ կապված եվրոպացի պաշտոնյաների կարծիքին՝ Պեսկովը, մասնավորապես, նշել է. «Եվրոպական ներկայացուցիչներն ամեն ինչում տեսնում են Մոսկվայի միջամտությունը։ Ամենուր և ամեն ինչում: Սա հին երգ է, նրանք կատարելապես գիտեն այս երգի նոտաները, և իհարկե, Հայաստանի ընտրությունների դեպքում նույնպես կերգեն այն»:
